Театр кассаһы

8(3476)33-06-51,
33-06-71

 

20-30 декабрҙә Салауат башҡорт дәүләт драма театрында балалар өсөн "Яңы йыл урманы-мөғжизә яланы" исемле яңы йыл тамашаһы уҙғарасаҡ. Кескәй тамашасыларҙы төрлө әкиәт геройҙары менән осрашыу көтә. Бик күп уйындар, бүләктәр, Ҡыш бабай менән бергәләп матур шыршы янында бейеү - барыһы ла һеҙҙең өсөн.

Тулыраҡ:

 

2016 йылдың 7, 8 декабрендә Салауат башҡорт дәүләт драма театры коллективы "Рәсәй Федерацияһы башҡорттары"  программаһы сиктәрендә Силәбе өлкәһенең Бакал һәм Сатка ҡалаларына гастролдәр менән сыға.

7 декабрҙә, Сатка ҡалаһы  «Магнезит» мәҙәниәт йортонда (Магнезиттың 100-йыллығы урамы,1):
11.00 М.Бартеневтың «Бишкә тиклем һанайым» – балалар өсөн әкиәт (100 һум) 0+
13.00 З.Сөләймәновтың «Уйын тамам» - йәштәр өсөн наркотиктарға ҡаршы социаль драма (100 һум) 12+
18.00 С.Беловтың «Минең ҡәйнәм әүлиә» - комедия (150-200 һум) 12+

8 декабрҙә, Бакал ҡалаһы ,"Горняков" мәҙәниәт йортонда (Ленин урамы,9):
10.00 М.Бартеневтың «Бишкә тиклем һанайым» – балалар өсөн әкиәт (100 һум) 0+
13.00 З.Сөлймәновтың «Уйын тамам» - йәштәр өсөн наркотиктарға ҡаршы социаль драма (100 һум) 12+
19.00 С.Беловтың «Минең ҡәйнәм әүлиә» - комедия (150-200 һум) 12+

 

1,2 декабрҙә Салауат башҡорт дәүләт драма театры бинаһына М.Фәйзи исемендәге Ырымбур татар драма театры үҙенең гастролдәре менән ҡунаҡҡа килә.

1 декабрҙә киске сәғәт 19.00 тамашасы хөкөмөнә Р.Зәйдулланың "Татарча өйләнү" комедияһын тәҡдим итәсәктәр.

Ҡуйыусы режиссер- Булат Бәдриев
Рәссам – Булат Ибраһимов
Балетмейстер-Сергей Тишков, Рәсәйҙең атҡаҙанған артисы

2 декабрҙә киске сәғәт 19.00 А.Ахметгалиеваның "Ул бит кичә иде..." исемле тағы ла бер шәп комедияһын күрһәтәсәктәр.

Ҡуйыусы режиссер- Айрат Әбүшахманов, Башҡортостандың атҡаҙанған сәнғәт эшмәкәре
Рәссам – Булат Ибраһимов
Балетмейстер-Илшат Яхин

Ырымбур татар драма театрының матур гастролдәренә рәхим итегеҙ, дуҫтар!!!

 

21 ноябҙән 23 ноябргә тиклем Салауат башҡорт дәүләт драма театры артистары "Рәсәй Федерацияһы башҡорттары"  программаһы сиктәрендә Оренбург ҡалаһына гастролдәр менән юлланасаҡ. Коллектив М.Фәйзи исемендәге татар дәүләт драма театры сәхнәһендә сығыш яһаясаҡ.
21 ноябрҙә
10.00сәғ. -  М.Бартенев «Бишкә тиклем һанайым» әкиәт (0+)
13.00сәғ. -  З.Сөләймәнов «Уйын тамам» - йәштәр өсөн соц.драма (12+)
19.00сәғ. -  И.Абдуллин «Эх, Өфө ҡыҙҙары!» - музыкаль комедия  (12+)
22 ноябрҙә
10.30сәғ. - М.Бартенев «Бишкә тиклем һанайым» әкиәт (0+)
16.00сәғ. - З.Сөләймәнов «Уйын тамам» йәштәр өсөн соц.драма (12+)
19.00сәғ. - В.Шукшин «Шукшин» хикәйәләр (12+)
23 ноябрҙә
12.00сәғ. - М.Бартенев «Бишкә тиклем һанайым» әкиәт (0+)
15.00сәғ. - З.Сөләймәнов «Уйын тамам» - йәштәр өсөн соц.драма (12+)

 


16, 17 ноябрҙә Салауат башҡорт дәүләт драма театры коллективы Сибай, Баймаҡ ҡалаларына гастролдәр менән юллана. 

Театр һөйөүселәргә 16 ноябҙә иртәнге сәғәт 11.00 балалар өсөн А.Пушкиндың "Салтан батша хаҡында әкиәт"ен, көндөҙгө сәғәт 15.00 уҡыусылар өсөн наркоманияға ҡаршы З.Сөләймәновтың "Уйын тамам" драмаһын, киске сәғәт 19.00 татар драматургы Т.Миңнуллиндың «Әллә яңылыш, әллә яҙмыш» трагикомедияһын тәҡдим итәсәкбеҙ. Спектаклдәр А.Мөбәрәков исемендәге Сибай дәүләт башҡорт драма театры сәхнәһендә күрһәтеләсәк (Сибай ҡалаһы, Зәки Вәлиди урамы, 23).

17 ноябрҙә Баймаҡ ҡалаһына сығасаҡбыҙ. Халыҡ ижады үҙәгендә (С.Юлаев проспекты, 34) көндөҙгө сәғәт 12.00 балалар өсөн А.Пушкиндың "Салтан батша хаҡында әкиәт"ен уйнаһаҡ,  сәғәт 14.00 уҡыусылар өсөн наркоманияға ҡаршы З.Сөләймәновтың "Уйын тамам" драмаһын тәҡдим итәсәкбеҙ.

Барығыҙҙы ла Салауат башҡорт драма театры гастролдәренең спектаклдәрендә көтөп ҡалабыҙ!!!

 

Шукшин хикәйәләре башҡортса


Салауат башҡорт дәүләт драма театры 84-се ижад миҙгелен яңы ғына асып ебәргәйне. Бына оҙаҡламай ҡалабыҙҙың бай тарихлы сәнғәт усағы үҙенең тамашасыларын премьераһы менән дә шатландырмаҡсы. Октябрь башында сәхнәләштерелә башлаған «Шукшин» спектакленең һуңғы репетициялары бара.
Илебеҙҙең билдәле яҙыусыһы Василий Шукшин ижадына Салауат театры тәүгә тотона. Спектаклдең нигеҙендә бер юлы биш хикәйә: «Ваня, һин нисек бында?», «Миль пардон, мадам!», «Минең кейәү утын урланы», «Микроскоп», «Ышанам». Уларҙы сәхнәләштереү өсөн беҙҙең ҡалаға тағы ла Мәскәүҙән йәш режиссер Антон Федоров килгән. Иҫегеҙгә төшөрөп китәбеҙ, ул үткән миҙгелдә М.Кәримдең «Ауыл адвокаттары» повесы буйынса «Ерҙәштәр» исемле әҫәрен уңышлы ҡуйғайны.

Тулыраҡ:

24 – 27 октябрҙә "Етегән" Хакас драма һәм этник музыка театры Башҡортостан Республикаһына ҙур гастролдәр менән сыға. Улар "Рәсәй культураһы" федераль программаһы йүнәлешендә грант алып, иң шәп спектаклдәре менән Стәрлетамаҡ, Күмертау, Салауат, Ишембай ҡалаларына юлланасаҡ.

 26 октябрҙә салауат башҡорт дәүләт драма театры сәхнәһендә Хакас театры артистары П.Ойунскийҙың «Хыялый Муҡлай» спектаклен тәҡдим итәсәктәр. Был әҫәр бик күп фестивалдәрҙә ҡатнашып, төрлө номинацияларҙа еңеп сыҡҡан.

Ҡуйыусы режиссеры – СЕРГЕЙ ПОТАПОВ, Саха (Яҡутия)
Хакас теленә тәржемәсе – АЛЕКСАНДР КОТОЖЕКОВ
Музыкаль яҡтан биҙәүсе – ОЛЕГ ЧЕБОДАЕВ

Тулыраҡ:

Театр һәр миҙгелгә, әлбиттә, ҙур, яҡты өмөттәр менән аяҡ баҫа. Салауат башҡорт дәүләт драма театрында ла ҙур пландар күҙ уңында тотола.
6 октябрҙә театр үҙенең 84-се яңы ижад миҙгелен күренекле татар драматургы Туфан Миңнуллиндың "Шулай булды шул" музыкаль комедияһы менән асып ебәрҙе. Был спектакль 10 йыл буйы сәхнәлә уйнала. Был матур ваҡиғаға әҫәрҙең режиссеры, Рәсәйҙең атҡаҙанған, Башҡортостандың халыҡ артисы, М.Ғәфүри исем. Академия драма театры художество етәксеһе Олег Ханов та килде. Шулай уҡ был спектаклде беҙ 27 октябрҙә Өфө тамашамсыларына, Нур театры сәхнәһендә уйнаясаҡбыҙ.
Әлеге көндә театрҙа яңы премьераға әҙерлек бара. Беҙгә тағы ла Мәскәүҙән йәш режиссер Антон Федоров килде. Иҫегеҙгә төшөрөп китәбеҙ, ул үткән миҙгелдә М.Кәримдең "Ауыл адвокаттары" повесы буйынса "Ерҙәштәр" исемле әҫәрен уңышлы ҡуйғайны. Шуныһы ҡыуансылы, 17 октябрҙә беҙ Өфөлә актерҙар йортонда, Башҡортостандың Театр эшмәкәрҙәре союзының йәштәр советы ойошторған "Йәштәр премияһы"нда  "Ерҙәштәр" спектакле буйынса "Иң яҡшы актерҙар ансамбле" номинацияһына лайыҡ булдыҡ.

 

Тулыраҡ:

 

Салауат башҡорт дәүләт драма театры Туймазы ҡалаһына гастролдәр менән сығырға әҙерләнә.  

19 октябрҙә Туймазы татар дәүләт драма театры сәхнәһендә татар драматургы Туфан Миңнуллиндың  "Әллә яңылыш, әллә яҙмыш"(16+) трагикомедияһын тәҡдим итәсәкбеҙ.  Спектакль башҡорт телендә, урыҫ теленә синхрон тәржемә тәьмин ителә. Башлана киске сәғәт 19.00. Билет хаҡы 200 һум.

Шулай уҡ, йәштәр өсөн, наркотиктарға ҡаршы З.Сөләймәновтың «Уйын тамам» (16+) социаль драмаһын күрһәтәсәкбеҙ. Спектакль урыҫ телендә. Билет хаҡы 100 һум.

Т.Миңнуллин "Әллә яңылыш, әллә яҙмыш"

З.Сөләймәнов "Уйын тамам"

 



1 октябрь, шәмбе көнө, ғәҙәти булмаған күренеш күптәрҙе аптырауға төшөргәндер. Алдан юл-патруль хеҙмәте ҡысҡырып бара, уның артынан - велосипедсылар сафы һуҙылған. Был көндө веломиҙгелде ябыу һәм театр миҙгелен асыуға арналған "Велосипедта ял" тип аталған сара уҙҙы. Уны Салауат башҡорт дәүләт драма театры ҡала хакимиәте ярҙамы менән ойошторҙо. Йәмғеһе 300-ҙән ашыу кеше йыйылды. Шуныһы ҡыуаныслы, олоһо ла, кесеһе лә ихлас ҡатнашты. Тимәк, кешеләр сәләмәт тормошҡа ынтыла, ялын файҙалы итеп үткәрергә тырыша. "Газпром нефтехим Салауат" йәмғиәте, Салауат һыу каналы, Трамвай идаралығы, Яңы салауат ТЭЦ-ы, 21-се мәктәп, "Йәштәш" клубы айырыуса әүҙемлек күрһәтте. Тамашаны ситтән күҙәтеүселәрҙең йөҙҙәрендә лә йылмайыу балҡыны. "Афарин! Ҡайһылай шәптәр!" тигәнерәк һүҙҙәр ишетелде.

Тулыраҡ:

Рәсәй Федерацияһы, Башҡортостан Республикаһы,
Салауат дәүләт башҡорт драма театры, 453266, Салауат ҡалаһы, Еңеүҙең 30 йыллығы урамы, 5
8 (3476) 33 06 50 salavatteatr@yandex.ru