Театр кассаһы

8(3476)33-06-51,
33-06-71

Йәй айҙары башланһа, йәшәйеш бер аҙға туҡтап ҡалғандай була: балаларҙың каникулы башлана, театр үҙ миҙгелен яба, эштәге кешеләр ҙә отпускаһын ошо матур мәлдә алып ҡалырға тырыша. Ә көҙөн, киреһенсә, бар ғәләм йоҡонан уянғандай тойола. Мәктәп ишектәре ҡолас йәйеп үҙ уҡыусыларын ҡаршы алһа, театр ҙа тамашасыларын ҡыуандырырға ашыға. Шишәмбе бөтә республика буйынса "Театр төнө" үтте. Мәҙәни сарала 20-нән ашыу коллектив ҡатнашты. Бөтә Рәсәй акцияһына беҙҙең ҡала ла әүҙем ҡушылды. Быйыл ул Кино йылына арналды һәм "Төнгөлөккә әкиәт" девизы аҫтында уҙҙы.

Тулыраҡ:

 

 

27 сентябрҙә Салауат башҡорт дәүләт драма театры «Театрҙар төнө» мәҙәни акцияһын "Төнгөлөккә әкиәт" девизы аҫтында уҙғарасаҡ.

Тамашасылар иғтибарына киске сәғәт биштә, театр бинаһы алдында, ҡул эштәре оҫталарының йәрминкәһе, йәш рәссамдарҙың күргәҙмәһе тәҡдим ителәсәк. Ә балалар өсөн аквагрим, батут, буфет, әкиәт геройҙары менән бергә флешмоб планлаштырылған.
Һуңынан театрҙың фойеһына үтеп, төрлө спектаклдәргә эшләнгән бик ҡыҙыҡлы бутафория әйберҙәре, сәхнә декорациялары, париктар, иҫ киткес матур костюмдар, тарихи фотоларҙы күрергә була. Театр төнөнә килгән һәр бер кеше үҙенең яратҡан артисының автографын алып, уның менән фотоға төшә аласаҡ.

Тулыраҡ:

 


Театр һәм велосипед. Был ике төшөнсә араһында ниндәй уртаҡлыҡ булһын? Бар икән шул: икеһен бергә ҡушһаң, физик яҡтан һау, рухи яҡтан бай, сәләмәт тормош рәүеше алып барған кеше килеп сыға. Салауат башҡорт дәүләт драма театры, ҡала хакимиәте ярҙамында, 1 октябрҙә көндөҙгө сәғәт 12-лә "Велосипедта ял" исемле масштаблы мәҙәни-спорт сараһын ойоштора. Был байрам веломиҙгелде ябыу һәм яңы 84-се ижад миҙгеленең яҡынлашып килеүенә арнала.

Тулыраҡ:

 

Салауат башҡорт дәүләт драма театры коллективы һәм ҡала йәмәғәтселеге ҙур юғалтыу кисерҙе. 2016 йылдың 21 авгусында Башҡортостан Республикаһының халыҡ артисы, сәхнә ветераны, тырышлығы һәм таланты менән хеҙмәттәштәрен һоҡландырып йәшәгән Риф Имам улы Мозаһитов беҙҙең аранан китеп барҙы. Бөгөн театрҙа артист менән хушлашыу уҙғарылды. Гражданлыҡ йыназанаһына уның яратҡан ғаиләһе, туғандары, тоғро дуҫтары, төрлө театрҙарҙан килгән хеҙмәттәштәре һәм ябай тамашасылар килде. Улар барыһы ла Риф Имам улы хаҡында матур һүҙҙәр, яҡты иҫтәлектәр һөйләнеләр. Театр йолаһы буйынса, сәхнә оҫтаһын һуңғы юлға алҡыштар менән оҙаттылар.

Тулыраҡ:

 

М.Ғафури исемендәге Башҡорт академия драма театрының художество етәксеһе Олег Закир улы Хановты күркәм юбилейы менән ҡайнар ҡотлайбыҙ!
Һеҙҙең ғүмер юлығыҙ сағыу ижад һәм сәйәси ваҡиғаларға бай. Һеҙ үҙегеҙҙең ошо тос емешле тормошоғоҙ менән башҡаларҙың йәшәйешенә йәм, бәхет, шатлыҡ, дәрт өҫтәйһегеҙ. Ғүмерегеҙҙең һәр йылын фиҙәҡәр, илһамлы хеҙмәт менән матур эҙ ҡалдырып үтәһегеҙ. Шуға ла бөгөн Һеҙ, республикабыҙҙа ғына түгел, илебеҙҙә лә оло ихтирам, һөйөү, абруй яулаған әһелдәрҙең береһе.
Театр сәнғәтен үҫтереүгә индергән емешле хеҙмәтегеҙ Хөкүмәтебеҙ тарафынан да баһаланмай ҡалманы - "Рәсәй Федерацияһының атҡаҙанған, Башҡортостан Республикаһының халыҡ артисы" тигән маҡтаулы исемдәрегеҙ, һанап бөткөһөҙ дәрәжәләрегеҙ ошо турала һөйләй.

Тулыраҡ:

 

Рәсәйҙә кино йылы сиктәрендә, ҡала администрацияһы ярҙамында, инде ярты йыл дауамында театрыбыҙҙың ветерандары һәм әлеге көндә эшләп килгән артистарыбыҙ нәфис фильмдә төшәләр. Уның исеме әлегә сер итеп һаҡлана, тик уның социаль темаға, ҡарттар һәм уларҙың яңғыҙлыҡтары хаҡында булыуы билдәле.  Фильмдың режиссеры Рәүил Хәкимов әйтеүенсә: "-Уйлауымса, был тарих күптәргә яҡын һәм ҡыҙыҡлы буласаҡ. Төп геройҙар ябай тел менән үҙҙәренең үткән тормошо, яҙмыштары хаҡында һөйләйҙәр".

Тулыраҡ:

2016 йылдың 21 июнендә театрыбыҙҙың ветераны, Башҡортостандың халыҡ артисы Рим Фәйзрәхман улы Аминов үҙенең күркәм юбилейын ҡаршылай – уға 75 йәш.
Рим Әминов Салауат башҡорт дәүләт драма театрына Өфө сәнғәт училищеһын тамамлағас та килә. Шул ваҡыттан бирле ул Салауат сәхнәһендә төрлө ролдәр башҡара. Сәхнәгә, театрға ул бала сағынан уҡ ғашиҡ. Рим Әминовтың бала сағы һәм йәшлеге үҙешмәкәр осорона тура килә һәм башта балалар труппаһында, аҙаҡ йәштәр төркөмөндә һәм уҡытыусылар коллективы менән сәхнәлә байтаҡ тамашаларҙа ҡатнаша ул. Профессиональ сәхнә тураһында хыялланып йөрөгән ваҡытында гәзиттә сәнғәт училищеһына студенттар йыйыу тураһында иғлан күреп ҡала. Әлбиттә, күп уйлап тормай Өфөгә юллана, имтихандарҙы уңышлы тапшырып, актерлыҡ факультетында уҡый башлай.
Салауатҡа килеп, 1970 йылда беренсе тапҡыр сәхнәлә Әнғәм Атнабаевтың "Балаҡайҙарым" спектаклендә Дамир ролен башҡара. Был осор шул тиклем күңелемдә уйылып ҡалған, беренсе улыма ла ошо тәүге персонажымдың исемен ҡуштым, ти ул. Артабан һәләтле һәм тырыш егеткә төрлө жанрҙағы төп һәм эпизодик ролдәр тапшыра башлайҙар. Ул тыуҙырған бөйөклөк тә, драматизм һәм комизм да, шәфҡәтлелек, тәбиғелек тә йәнәш. Мәҫәлән, "Башмағым"да Кәрим бай, бай тормош тәжрибәһе булған Кейәү ("Кейәү"), халҡымдың быуаттар аҡылын сағылдырған Абдулла ("Бабай урлау") һәм оҫта образдар Рамазан ("Упҡын ситендә"), Рәжәп ("Әбейҙәргә ни етмәй") һәм башҡалар. М.Задорновтың "Иреңде миңә бир" сатирик комедияһындағы Азат роле сәнғәт эшмәкәрҙәренең юғары баһаһына һәм тамашасылар һөйөүенә лайыҡ булды.

Тулыраҡ:

19 июндә Иглин районы Түбәнге Ләмәҙ ауылында тәүге тапҡыр республика Театр һабантуйы ҙур уңыш менән үтте. Сара Башҡортостан Театр эшмәкәрҙәре союзының йәштәр советы башланғысы буйынса үткәрелде. Байрамда республиканың барлыҡ театрҙарынан вәкилдәр ҡатнашты. Беҙҙең театрҙан: директор вазифаһын башҡарыусы - Илдар Маннапов, баш режиссер - Зиннур Сөләймәнов, идажи коллектив менән етәксе - Рөстәм Фазылов, артистар - Рафаэль һәм Рәмзиә Ғәйнуллиндар, Риф Мусин, Ринат Ибәтуллин, Фәтих Ҡолһарин (Башҡортостандың атҡаҙанған артисы) ҡатнаштылар. Һабантуйҙы ойоштороусылар ныҡлы әҙерләнгән: программала ҡатнашыусыларҙы сәләмләү, флешмоб, уйындар һәм ярыштар (тоҡ кейеп йүгереү, ҡалаҡҡа йомортҡа һалып йүгереү, арҡан тартыу, көршәк ватыу, ҡатыҡтан тәңкә эҙләү, тоҡ менән һуғыш), бейеү марафоны, көрәш, балыҡ тотоусылар конкурсы ойошторолдо. Һәр театр концерт номерҙары менән сығыш яһаны. Беҙҙең театр артистары төрлө уйындарҙа, бәйгеләрҙә әүҙем ҡатнашып, хеҙмәттәштәре менән күрешеп, аралышып, бейеп-көлөп, тәмле аштар ашап, матур тәьҫораттар менән ял итеп ҡайттылар. Ярыштарҙың мотлаҡ төрөндә еңеүселәргә бүләктәр тапшырылды.

Тулыраҡ:

2016 йылдың 19 июнендә Башҡортостандың Иглин районында беренсе "Театр һабантуйы" уҙғарыласаҡ. Йола буйынса, һабантуй - ул бөтә баҫыуҙарҙа сәсеү эштәре тамамланыуын күҙ алдына килтерә. Ә инде "Театр һабантуйы" 2015-2016 йылдың театр миҙгеленең тамамланыуына йомғаҡтар яһауы булып тора.
Йыш ҡына күп репетициялар, спектаклдәр, оҙайлы гастролдәр булыу сәбәпле, актерҙар үҙҙәренең шәхси ялдары тураһында бөтөнләй оноталар.  "Театр һабантуйы" - республикабыҙҙың төрлө театрҙарынан килгән артистар, хеҙмәттәштәр менән аралашыу өсөн бик шәп мөмкинселек. Был байрамдан барыһы ла күңел асып, ял итеп, төрлө уйындар уйнап, фекер алышып, матур тәьҫораттар алып ҡайтырҙар тип уйлайбыҙ.
Ойоштороусылар был саранан ситтә ҡалмаҫҡа, бөтәһенә лә килеп матур байрам күреп ҡайтырға саҡыра.

Тиҙҙән Александр Гельмандың "Скамейка" исемле әҫәре буйынса эксперименталь спектаклдең премьераһы уҙғарыласаҡ. Ҡуйыусы режиссеры-Радик Ғәлиуллин, балетмейстеры-Лилиә Зәйнышева.

Был әҫәрҙә ир-егет менән ҡатын-ҡыҙҙың ял паркында осрашыуы хаҡында бәйән ителә. Ир кеше алдаша, ҡатын-ҡыҙ ҙа дөрөҫөн һөйләмәй - был хәлдән нимә килеп сығыр? Улар алдашып ысын мөхәббәткә нисек барып етерҙәр. Бик ҡыҙыҡ та, йөрәккә үтеп инерлек тә, иларлыҡ та, көлөрлөк тә спектакль.

Ролдәрҙә: Егет - Радик Ғәлиуллин, Ҡыҙ - Айһылыу Лоҡманова

Спектакль урыҫ телендә.

Премьера  "Красноусол" шифаханаһында 25 июндә сәғәт 20.30 буласаҡ.

Рәсәй Федерацияһы, Башҡортостан Республикаһы,
Салауат дәүләт башҡорт драма театры, 453266, Салауат ҡалаһы, Еңеүҙең 30 йыллығы урамы, 5
8 (3476) 33 06 50 salavatteatr@yandex.ru